Mesûd Barzanî

Roja Yekşemê, 30ê Mijdara 2025an, Serok Mesûd Barzanî yekemîn Pêşangeha Navdewletî ya Pirtûkan li Zaxoyê bi sernavê “Zaxo Dixwîne” vekir û serdana beşên pêşangehê kir.
Li pêşangehê de, Serok Barzanî kêfxweşiya xwe ji vekirina Pêşangeha Navdewletî ya Zaxoyê anî ziman û got: “Ez Spasiya Xwedê dikim ji bo van rojên xweş, doh li Cizîrê û îro li Zaxoyê. Bi hêviya Xwedê her xêr û xweşî bide, her keyfê bide û ev pêşangeha navdewletî ya pirtûkan ku îro li Zaxoyê hatiye vekirin cihê dilxweşiyeke mezin e”.
Serok Barzanî Zaxoyê wekî bajarê huner, çand û Kurdayetiyê bi nav kir û got: “Zaxo cihê huner û kultûr û mêranî û Kurdayetî û Pêşmergayetiyê ye, û Zaxo, Zaxo ye”.
Serok Barzanî destxweşiyê li vekirina Pêşangeha Navdewletî ya Zaxoyê kir û hêviya pêşketineke zêdetir ji bo Zaxoyê xwest.
Di dawiyê de, Serok Barzanî pesnê xelkê Zaxoyê da û got: “Carekê min got Zaxo ruhê min e, careke din min got hûn dilê min in, hûn ne tenê ruhê min in, hûn dil û ruhê min in”.