Mesûd Barzanî

Roja yekşema 01.12.2024 li Selaheddînê, Serok Mesûd Barzanî pêşwaziya xanima Alina Romanowski Balyoza Amerîka li Iraqê kir.

Li hevdîtinê de ku Balyoza Amerîka li Iraqê bi helkefta bi dawî hatina erkên xwe û bi mebesta xatir xwestin û malavayî yê serdana Serok Barzanî kiribû, dûbare pîrozbahiya serkeftina proseya hilbijartina cotmeha derbasbûyî ya Parlemena Kurdistanê li Serok Barzanî kir û destnîşankirina roja civîna yekema Parlemena Kurdistanê bi hengaveke girîng zanî û hêvî xwest civîna aliyên siyasiyên Kurdistanê encamên xwe ya erênî hebê û bi zûtirîn dem li ser pêkanîna kabîneya dehem ya Hikûmeta Herêma Kurdistanê rêk bikevin. Her wiha Balyoza Amerîka spasî Serok Barzanî kir ku li karên wê de, herdem palpişt û hevkar bûye û serdana dawî ya Serok Barzanî ya Bexdayê bi girîng wesifkir ku bûye sedema zêdetir li hev nêzîkbûna aliyên siyasiyan û baştirbûna peywendiyên di navbera Hikûmeta Herêma Kurdistanê û Hikûmeta Federaliya Iraqê.

Ji aliyê xwe ve Serok Barzanî spasiya Balyoza Amerîkayê kir û li erk û karê wê yê nû da, hêviya serkeftinê ji bo wê xwest, balkişand li ser peywendiyên Amerîka bi Herêma Kurdistan û Iraqê re ku pêşveçûnên baş bi xwe ve dîtiye û hêviya berdewamî û berfirehbûna peywendiyên her du aliyan xwest.

Rewşa siyasî û pêşhatên dawî û gengeşe û guhertinên navçeyê û metirsiyên serhildan û bihêzbûna terorê û rêkarên wê yên ji bo parastina aramiya Iraq û navçeyê bi giştî, mijarên dinên vê hevdîtinê bûn.

Hêjayî gotinêye ku rêzdar Steven Bitner Konsulê Giştî yê Amerîka li Hewlêrê jî li vê hevdîtinê de amade bû.