Mesûd Barzanî

Roja dûşema 05.08.2024 li Selaheddîn Serok Mesûd Barzanî pêşwaziya birêz Stephen Hitchen Balyozê Brîtanya li Iraqê kir.

Li vê hevdîtinê de behsa pêşhat û aloziyên dawî yên navçeyê bi giştî û Rojhilata Navîn bi taybetî kirin, di derbarê hengavên çareser û aramkirina rewşê de danustandina bîr û ramanan kirin. Her du aliyan tekez li ser wê yekê kirin ku navçe xwe zêdetir li beramber girjî û aloziyên zêdetir nagrê û pêwîstî bi aramî û asayîşê heye.

Peywendiyên di navbera Hikumeta Herêma Kurdistanê û Hikumeta Iraqa Federal û encama dawî ya serdana Serok Barzanî ya Bexda û hevdîtin û civînên li gel aliyên siyasiyên Iraqê û balyoz û nûnerên welatan li Iraqê mijareke dinê vê hevdîtinê bûn.

Her li vê hevdîtinê de rewşa Şingalê û pêwîstiya asayîkirina rewşa navçeyê û bi cîhkirina rêkeftinnameya Şingalê xistin ber behs, ji aliyê xwe ve Serok Barzanî behsa wan hewl û qurbanîdan kir ku bi navê azadkirina Şingalê û şikandina terorîstan hatine avêtin, lê mixabin niha çend hêzekî neyasayî li wirin ku rêgirin li asayîkirina rewşa Şingalê û vegerana xelkê wan navçeyan li ser mal û mulkên wan.

Li dawiya hevdîtinê de behsa encama dawî ya guftûgoyên di navbera Hikûmeta Iraqa Federal û hêzên hevpeymanan yên li ser pirsa hebûna wan ya li Iraq û Herêma Kurdistanê kirin.