Mesûd Barzanî

Roja sêşema 17 ê kanûna yekema 2024 li Selaheddînê, Serok Mesûd Barzanî pêşwaziya rêzdar Jan Shnaidauf Balyozê nû yê Komara Çek li Iraqê kir.

Li vê hevdîtinê de ku birêz Karl Kurtanek Konsulê Giştî yê Komara Çek li Hewlêrê jî amade bû, Balyozê Çek pîrozbahiya roja ala Kurdistanê li Serok Barzanî kir û her wiha pîrozbahiya serkeftina li hilbijartina Parlemena Kurdistanê li cotmeha derbasbûyî pêşkêşî Serok Barzanî kir û hêvî xwest encameke baş li diyaloga di navbera aliyên siyasiyan ji bo pêkanîna kabîneyeke nû ya Hikûmeta Herêma Kurdistanê pêkbê. Her wiha balkişand li ser ser peywendiya di navbera Hikûmeta Herêma Kurdistanê û Komara Çek û amadehiya welatê xwe ji bo zêdetir pêşxistina wan peywendiyên li warên cûr bi cûr da nîşanda.

Ji aliyê xwe ve Serok Barzanî ji bilî pîrozbahiya bi helkefta destbikarbûna wî ya wekî Balyozê nû yê Çek li Iraqê, hêviya serkeftinê ji bo wî xwest û her wiha behsa peywendiyên dîrokiyên di navbera gelê Kurd û gelê Çek kir û hêvî xwest ev peywendî zêdetir bêne pêşxistin. Di derbarê proseya siyasiya Herêma Kurdistanê jî Serok Barzanî hêviya wê yekê xwest guftûgoya di navbera aliyên siyasiyên Herêma Kurdistanê encameke erênî hebê ji bo pêkanîna kabîneya nû ya hikumetê ew jî li gor îstîhqaqa hilbijartina aliyane.

Rewşa siyasî û emnî ya Iraq û navçeyê û pêşhatên dawî û guhertinên Suriye û paşeroja wî welatî bi taybet mafan û rola Kurd li Suriye ya nû mijarên dinê vê hevdîtinê bûn.