Mesûd Barzanî

Roja sêşema 03.12.2024 li Selahedînê, Serok Mesûd Barzanî pêşwaziya birêz Elbrus Kutrashev Balyozê Rûsya li Iraqê kir.

Li vê hevdîtinê de ku birêz Maksîm Rubin Konsulê Giştî yê Rûsya li Hewlêrê jî amade bû, Balyozê Rûsya pîrozbahiya serkeftina hilbijartina Parlemena Kurdistanê li Serok Barzanî kir û balkişand li ser wê yekê ku birêveçûna serkeftiyaneya hilbijartina Parlemena Kurdistanê li rewşeke aram û bi beşdariya rêjeyekî ber bi çavê xelkê, destkeftekî mezin e ji bo Herêma Kurdistanê.

Li beşekî dinê vê hevdîtinê de behsa hengavên di nava proseya siyasiya Herêmê û pêkanîna kabîneya nû ya Hikûmeta Herêma Kurdistanê kirin.

Peywendiyên di navbera Hikûmeta Herêma Kurdistanê û Hikûmeta Federaliya Iraqê û pêşhat û guhertinên dawî yên navçeyê û metirsiyên serhildana terorê, mijarên dinê vê hevdîtinê bûn.