Mesûd Barzanî

Roja yekşema 16ê şubata 2025 li Selaheddînê, Serok Mesûd Barzanî pêşwaziya şanda Îmraliyê ya bi serokayetiya xanima Perwîn Buldan û birêz Sirrî Sureya Onder kir.

Li hevdîtinê de şanda mîhvan bîr û ramanên xwe yên li ser rewşa siyasî û proseya aştiya li Tirkiye û naveroka wê û encama hevdîtina wan ya bi birêz Ebdulla Ocelan ji bo Serok Barzanî xistinrû. Her wiha şanda Îmraliyê li vê hevdîtinê de naveroka peyama birêz Ebdulla Ocelan jî gihandin Serok Barzanî.

Her li vê hevdîtinê de Serok Barzanî ji bilî bi xêrhatina şanda mîhvanan, tekez li ser girîngiya proseya aştiyê wekî take rêya rast û dirust ya ji bo gihîştina bi çareseriyê kir û bi pêwîst jî zanî ku hemû aliyek hewla xwe li wê yekê de kom bikin ku proseya aştiyê bigihe encamê. Serok Barzanî amadehiya xwe ya tevahî jî ji bo yarmetîdan û piştevaniya proseya aştiya li Tirkiye û sergirtina wê ragihand.