Mesûd Barzanî

Roja pênçşema 04.07.2024 li bajarê Bexdayê Serok Mesûd Barzanî pêşwaziya şandekî hevbeşa Balyozên heşt welatên Erebî kir ku ji birêz Tariq Abdulla Elferec Balyozê Kuweyt li Iraqê û birêz Sultan Mubarek Elkubeysî Balyozê Qeter li Iraqê û birêz Ehmed Semîr Hilmî Balyozê Misir li Iraqê û birêz Xalid Ehmed Elmensur Balyozê Behreyn li Iraqê û birêz Şêx Mehmûd Elxirusî Balyozê Selteneta Oman li Iraqê û birêz Zêd Ebu Hisan Karbirêvebirê Balyozxaneya Urdin li Iraqê û birêz Seîd Elqehtanî Karbirêvebirê Balyozxaneya Suudiye li Iraqê û birêz Mihemed Salih Eltinîcî Karbirêvebirê Balyozxaneya Îmarat li Iraqê pêkhatibûn.

Li vê civînê de Serok Barzanî bi kurtî di derbarê rewşa siyasiya Iraqê û sedem û palnerên serdana xwe ya Bexdayê û hevdîtin û guftûgoyên li gel aliyên siyasî ji bo şanda mîhvan xisterû û balkişand li ser wê yekê ku keşekî erênî li rewşa siyasiya Iraqê û helwestên wan de hatiye holê û dikarîn li ser bingeha wê rewşa nû bigihîn encamên baş yên ji bo çareserkirina kêşeyan û nehiştina astengiyan ku ewe bi xwe bandorê li ser aramiya Iraq û navçeyê dike. Serok Barzanî li dirêjahiya axaftina xwe de ronahî xiste li ser babeta hebûna hêza hevpeymanan li Iraqê û ragihand pêwîste ev babet li çarçêweya rêkeftin û li hevhatineke niştimanî û li ber çav girtina berjewendiyên Iraq û navçeyê bingehek ji bo wê bê danîn.

Li beşekî dinê civînê de Balyozên welatên Erebî hêviya ewe xwestin serdana Serok Barzanî ya Bexda bibê cihê xêr û aramiyê ji bo Iraqê û her wiha tekez jî li wê yekê kirin ku welatên wan ji bo bihêzbûna asayîş û aramî û xweşguzeraniya welatiyên Iraqê û çareserbûna kêşeyên siyasiyên Iraqê piştevaneke tevahî ya Iraqê dibin.