Mesûd Barzanî

Bi navê xwedayê mezin û dilovan

Bi helkefta sîh û çaremîn salvegera raperîna mezina gelê Kurdistanê pîrozbahiyê li malbatên serbilindên şehîdan û Pêşmergeyên qehreman û hemû xebatkar û azadîxwaz û niştimanperweran û hemû xelkê Kurdistanê dikim.

Raperîn yek ji serwerî û destkeftên giranbihayên gelê Kurdistanê ye. Li sayeya îradeya azadîxwaziya gelê Kurdistanê û qehremaniya Pêşmerge û yekrêziya aliyên li nav tevgera rizgarîxwaziya Kurdistanê da raperîn pêkhat û serkeftinê bi dest ve anî. Raperîn li dijî sazî û damudezgehên sîtemkar û dagîrkeran, peyameke zelal bû ku ji bilî hebûna zulm û sîtemkariyê û bişaftin û asîmîlasyonê, gelê Kurdistanê zîndiye û azadî û serbestiyê dixwaze. Raperîn wê rastiyê da xûya kirin ku dagîrkerî û sîtem çendî bi hêz jî bin, encamê de her bi dawî dibe û ewe îrade û hêza gelê Kurdistanê ye ku serdikeve.

Li vê salvegera pîroz da tekez li ser bihayên pîrozên raperînê û peyama aştî û birayetî û pêkvejiyana gelê Kurdistanê dikîn. Silav ji bo ruhê bilindê şehîdên raperînê û hemû şehîdên xebata rizgarîxwaziya Kurdistanê re dişînîn ku bi xwîna wan ya pak azadî û serbestiyê ji bo gelê me pêkanî.

Mesûd Barzanî
05 ê Adara 2025